سحابة صيف
يا دمعة بتكوى
ومحفورة على الخدين
يا قلب حزين
ومفرحش بقاله سنين
مسير الفرحة
يوم تيجى بغمضة عين ...
كفاية دموع
تعالوا نلم فى جروحنا
وفجر سعيد
ينور لينا دنيانا يفرحنا
لبر بعيد
عن الأحزان نسيب روحنا
*** *** ***
سحابة صيف
وهتعدى
ونلقى الفرح قدامنا
ونلقى الشوق
وكل الحب فى سلامنا
سلام للحزن والأوجاع
وأهلا بيها أحلامنا
سحابة صيف
خلاص رحلة ومشيناها
بفرح وحزن ننساها
كفاية تعبنا كر وفر
فى سكة بعيدة روحناها
لقينا سراب
خلاص يكفينا ذل وقهر ...
بقلم الشاعر /على محمد ( الفيلسوف )
ليست هناك تعليقات:
إرسال تعليق