واحشانى يا أمى
فى عيدك بهنى
وأبارك وأغنى
وأقولها تملى
بحبك يا أمى
تسهر لى تطبطب
على طول ليكى بهرب
وبدعى ف سرى
واحشانى يا أمى
غيابك آلمنى
وفراقك تعبنى
ليلاتى معاكى
وف حضنك تضمى
يا ست الحبايب
قمر فوق وغايب
الجنة مكانك
يارب يا أمى
بتعدى السنين
من غيرك حزين
راح اشكى لمين
فراقك قسمنى
يا غالية عليا
يا ضى ف عينايا
بدعى لك وأصلى
بالرحمة يا أمى ...
بقلم الشاعر / على محمد ( الفيلسوف )
جمهورية مصر العربية
ليست هناك تعليقات:
إرسال تعليق