شوفي صورتي
أدام عنيكي
إفتكري أنا أبقى مين
اوعي يوم
تنسي ملامحي
أوعي تنسيكي السنين
خلي دايما ذكرياتنا
محفورة ع الجبين
أوعي مره تنسي حبي
اللي ضحيت عشانو بحياتي
إفتكري دايما
إني حامي شرفك
صنت عرضك
م الديابة
وكان جزاتي
ألقى ربي
كنت ليكي ضهر حصين
أدعي ليا في كل أذان
أحي الحب اللي كان
شفتي صورتي
الملامح هي هي
مهما عدت السنين
خلي صورتي
أدام عنيكي
وأفتكري أنا أبقى مين
شوفي صورتي
بقلم ...حسين محمد صبرى
ليست هناك تعليقات:
إرسال تعليق